Drejtori sportiv Massimiliano Mirabelli e ka vlerësuar si të “bukur” përballjen e Milanit në Evropa Ligë ndaj Arsenalit, por ka paralajmëruar se nuk janë të frikësuar nga askush.

Shpërblimi i AC Milanit për eliminimin e Ludogorets ishte shorti kundër Arsenalit që është ripërtëritje e vitit 2012/13 në Ligë të Kampionëve në fazën e njëjtë kur “Rossonerët” fituan me rezultat të përgjithshëm 4 me 3, transmeton portali arbresh.info.

“Është një sfidë e bukur kundër një skuadre të mrekullueshme”, ka thënë Mirabelli për ‘Premium Sport’.

“Erdhi në kohën e duhur dhe është mirë që ne të përballemi kundër një skuadre të rëndësishme. Ne nuk kemi frikë dhe ne dëshirojmë të përfundojmë këtë kompeticion. Ne i respektojmë ata, por ne nuk kemi frikë nga askush”

“Ne jemi të sigurt që këtu do të jetë një San Siro i mbushur, plus do të ketë shumë tifozë në Londër, që do na dhurojnë një ndihmë të madhe”

/arbresh.info/